晚上八時多，電話響起。看看來電顯示，這個號碼應該是香港寬頻打來的吧，心想：「難道我未交月費？」 接過電話後，第一句說的是：「先生，你好呀﹗我是香港寬頻那面打來的。」我想：「果然沒錯，是叫我交過期月費的。」那位人兄繼續說：「根據公司的記錄，楊先生你是我們的舊客戶，現在想介紹一個新的服務給楊生架﹗」以下是我們電話的對答：

Sales: 「而家楊生你是用緊我們公司的BB10服務，由於公司正在楊生的屋苑進行大規模的升級行動，想問楊生會唔會升級至BB100的服務架？」

Me：「我想沒有需要了。」

Sales: 「唔係喎，楊生﹗BB100快過BB10很多，而家的網頁多左好多圖片和短片，用BB100下載會快好多呢﹗」

Me(心想：昆我咩，又唔係BT，用BB10來load網頁已經好快)： 「唔，我覺得夠用了。」

Sales: 「唔係喎，楊生﹗BB10真係唔夠快架喎，又要load圖片， 又要load script，又要load 短片，BB100先夠用。而且而家升級更平了很多呢？」

Me(忍唔住了)：「我的職業是寫網頁，網頁用到幾多resource我知的，我覺得BB10夠用了。」(職業那裏是作的)

Sales: 「咁唔好意思了，楊生。遲些看看有冇計劃岩番楊生丫，拜拜﹗」

(掛線掛唔切，請唔好當我是白痴﹗)